Galwad Agored: Tendr ar gyfer Llwybr Treftadaeth Rhyngweithiol
Sefydliad
Theatr Clwyd
Lleoliad
Mold
Disgrifiad
Rydym yn chwilio am artist neu sefydliad arloesol i greu llwybr treftadaeth rhyngweithiol cyfranogol sy’n tynnu sylw at hanes cyfoethog Theatr Clwyd.
Mae ein hadeilad rhestredig Gradd II 49 o flynyddoedd oed yn cyrraedd camau olaf ei brosiect ailddatblygu cyfalaf trawsnewidiol, ac rydym yn datblygu gosodiad unigryw, parhaol sy’n dathlu ein harwyddocâd pensaernïol a diwylliannol.
Wedi’i gyllido gan Gronfa Dreftadaeth y Loteri Genedlaethol, ein gweledigaeth ni yw creu profiad sy’n cyflawni’r canlynol:
Denu ymwelwyr drwy adrodd straeon arloesol.
Tynnu sylw at nodweddion treftadaeth hynod yr adeilad.
Creu siwrnai hygyrch a hwyliog drwy hanes ein theatr ni.
Rydym wedi cyflogi’r Prif Ymchwilydd Jude Rogers i gasglu straeon am ein nodweddion treftadaeth mewnol unigryw, ac rydym yn chwilio am artist neu sefydliad profiadol i ddatblygu seilwaith technegol y llwybr rhyngweithiol, gan ddefnyddio’r straeon hyn a thystiolaeth hanesyddol. Ein gweledigaeth yw creu profiad naratif deniadol a allai fod yn ddigidol neu’n analog, ac rydym yn agored i syniadau creadigol yn ymwneud â chanllawiau sain a / neu fapio digidol. Yn bwysicach na dim, mae'n rhaid i'r llwybr gael ei ddylunio i sicrhau hygyrchedd i ymwelwyr byddar, anabl a niwrowahanol.
Ein nod ni yn y pen draw yw creu gosodiad am byth sy’n caniatáu i ymwelwyr archwilio a chysylltu’n chwareus â threftadaeth gyfoethog Theatr Clwyd, gan drawsnewid sut mae pobl yn profi ac yn deall hanes nodedig ein hadeilad ni.
Disgwylir i'r adeilad agor ym mis Mehefin 2025, ac mae amserlen fras i’w gweld isod, a fydd yn cael ei chydlynu â gwaith y pensaer a'r contractwyr ar y safle.
Sesiwn Holi ac Ateb Ar-lein: Dydd Gwener, 7fed Chwefror 2025, 11:30 – 12:30 (E-bostiwch sam.longville@theatrclwyd.com os ydych chi eisiau bod yn bresennol)
Dyddiad Cau ar gyfer Datganiadau o Ddiddordeb: Dydd Gwener 21ain Chwefror, 17:00
Llunio rhestr fer: yr wythnos sy’n dechrau ar 24ain Chwefror
Hysbysu’r Artistiaid / Timau ar y Rhestr Fer: Dydd Mawrth 4ydd Mawrth
Yr Artistiaid ar y Rhestr Fer yn Datblygu Dyluniadau Cysyniad: Dechrau mis Mawrth
Cyfweliadau Panel Cam Dau: Dydd Iau 27ain Mawrth, 13:00-17:00
Penodi Artist: Mis Ebrill (yr union ddyddiad i'w gadarnhau)
Rhediadau prawf: Mis Gorffennaf (yr union ddyddiadau i'w cadarnhau)
Cymeradwyo a chwblhau'r prosiect: Dydd Sul 31ain Awst
Dolen i Ymgeisio
Cyflog
Total Budget: £12,500
Dyddiad cau
February 21, 2025
