Aelodaeth Celfyddydol
Mae aelodau celfyddydol C&B Cymru yn amrywio o ymarferwyr unigol i sefydliadau cenedlaethol.
Mae’r buddion yn cynnwys mynediad at gyngor arbenigol, hyfforddiant, cyfleoedd rhwydweithio ac arddangos, yn ogystal â holl raglenni a gwasanaethau C&B Cymru. Mae’r prisiau’n dibynnu ar drosiant ac yn amrywio o £125 – £500 + TAW.
Cliciwch yma i weld ein rhestr lawn o aelodau celfyddydol.
Gweler isod am fanylion aelodaeth lawn a dewch yn rhan o’n rhwydwaith celfyddydol cyffrous.
Llun: Organised Kaos yn Celf yn y Sŵ
Gwasanaethu’r Celfyddydau: Beth all C&B Cymru wneud i chi?
Mae aelodaeth o C&B Cymru yn bodoli i gefnogi a hyfforddi unigolion sy’n gweithio yn y celfyddydau i ddatblygu eu hincwm a’u sgiliau. Mae’r buddion penodol yn cynnwys:
Cyngor ac Ymgynghoriaeth
Cyngor wedi’i deilwra am ddim ar bob agwedd ar bartneriaeth sector preifat. Gall hyn gynnwys ymgynghoriaeth ar dargedau nawdd ac adborth ar gynigion drafft.
Cyfleoedd Broceriaeth
Gwahoddiadau i gyflwyno cynigion i gyflawni prosiectau ar gyfer aelodau busnes C&B Cymru.
Mynediad Unigryw i Raglenni
Mae rhaglenni C&B Cymru ar gael yn arbennig ar gyfer aelodau celfyddydol. Maent yn cynnwys:
- Prosper
- Rhaglen Fuddsoddi CultureStep
- Rhaglen Interniaethau Creadigol
- Rhaglen Prentisiaethau Creadigol
- Rhaglenni Datblygiad Proffesiynol
- Sgiliau i Lwyddo
Fforwm Codi Arian
Yn cael eu cynnal mewn lleoliadau ledled Cymru, mae’r sesiynau hanner diwrnod rhad ac am ddim yn cynnwys siaradwyr gwadd o safon uchel a’r cyfle i rwydweithio ag unigolion sy’n wynebu problemau tebyg, gan ddysgu oddi wrth eu profiadau.
Hyrwyddo Cyfleoedd Nawdd i Fusnesau
Cynhwysiant yn e-fwletinau cyfleoedd deufisol C&B Cymru, a anfonir yn arbennig at aelodau busnes.
Hyrwyddo Swyddi Gwag
Cynhwysiant am ddim o swyddi gwag ar wefan C&B Cymru ac yn y bwletin recriwtio misol.
Cyfleoedd Arddangos
Gwahoddir aelodau i wneud cais am amrediad o gyfleoedd perfformio ac arddangos proffil uchel.
Cyrsiau Hyfforddi
Prisiau gostyngol a blaenoriaeth wrth archebu ar gyfleoedd datblygu sgiliau o ansawdd uchel mewn Amrywiaeth, Codi Arian, Llywodraethu a Sgiliau Busnes.
Buddion Eraill
- Credyd ar wefan C&B Cymru gyda hyperddolen at safle’r aelod;
- Gwahoddiadau i ddigwyddiadau rhwydweithio C&B Cymru a gynhaliwyd ledled Cymru trwy gydol y flwyddyn;
- Archebu blaenoriaethol a seddi a hysbysebu gostyngol ar gyfer Gwobrau blynyddol C&B Cymru.
Prisiau Aelodaeth
| Trosiant Blynyddol | Pris |
|---|---|
| £0 – £100,000 | £125 + TAW |
| £250,001 – £500,000 | £175 + TAW |
| £500,001 – £1,000,000 | £200 + TAW |
| £1,000,001 – £2,000,000 | £250 + TAW |
| £2,000,001 + | £300 – £500 + TAW |
Bwrsariaethau Celfyddydol Hodge Foundation
Diolch i gefnogaeth Hodge Foundation, gall C&B Cymru gynnig seibiant talu o 12 mis ar eu tanysgrifiadau aelodaeth i nifer cyfyngedig o sefydliadau celfyddydol. I wneud y mwyaf o effaith y cynllun, bydd bwrsariaethau ar gael yn arbennig i’r sefydliadau celfyddydol canlynol:
- Cwmnïau newydd nad ydynt wedi gweithio gyda C&B Cymru o’r blaen ac sy’n wynebu risg uchel, yn rhannol oherwydd eu bod yn gyfyngedig o ran nifer y cyllidwyr y gallant fynd atynt;
- Cwmnïau bach â throsiant o lai na £500K sy’n dibynnu ar incwm a enillir i oroesi ac sydd wedi’u heffeithio’n fawr gan y pandemig;
- Sefydliadau y mae eu gwaith o fudd i gynulleidfaoedd a dangynrychiolir. Bydd C&B Cymru yn blaenoriaethu cwmnïau sy’n canolbwyntio ar bobl sy’n wynebu rhwystrau i ymgysylltu â’r celfyddydau a chyfranogiad ynddynt. Yn benodol, pobl Ddu, Asiaidd ac Ethnig Amrywiol, sydd ag anableddau neu sy’n byw mewn tlodi.
Os hoffech wneud cais am Fwrsariaeth, nodwch ar y ffurflen gyswllt isod.
Ymaelodwch
Os hoffech ddod yn Aelod Celfyddydol, llenwch y ffurflen isod
