Diogelu at y Dyfodol 2024-25
Cefnogi Cenhedlaeth Newydd o Weithwyr Celfyddydau Proffesiynol
Prentisiaethau Creadigol a Rhaglenni Interniaethau Creadigol
Ariennir gan Loteri Cyngor Celfyddydau Cymru
Mae C&B Cymru yn falch iawn o gyhoeddi bod cyfranogwyr Future Proof 2024-25 wedi’u dewis. Mae’r fenter arloesol hon yn rhoi cyfle strwythuredig i genhedlaeth newydd gynhwysol o weithwyr proffesiynol y celfyddydau i ddechrau gyrfa lwyddiannus yn y sector creadigol. Drwy weithio i ddileu rhwystrau, nod C&B Cymru yw helpu i sefydlu gweithlu celfyddydol gwirioneddol amrywiol.
Wedi’i ariannu gan Gronfa Loteri’r Cyngor Celfyddydau Cymru mae Diogelu at y Dyfodol yn cyfuno dwy fenter bellgyrhaeddol – y Rhaglen Interniaethau Creadigol a’r Rhaglen Prentisiaethau Creadigol.
Mae’r Rhaglen Interniaethau Creadigol yn galluogi graddedigion diweddar i weithio fel codwyr arian dan hyfforddiant mewn sefydliadau celfyddydol ar leoliadau 10 mis â thâl. O ystyried heriau ariannol parhaus yr hinsawdd bresennol, mae’n bwysicach nag erioed bod gan y sector y gallu i ddenu incwm o amrywiaeth o ffynonellau. Ers ei sefydlu yn 2013, mae’r rhaglen wedi galluogi 34 o godwyr arian proffesiynol i ymuno â gweithlu’r celfyddydau. Rhyngddynt, maent hyd yma wedi codi dros £5.78 miliwn ar gyfer y sector yng Nghymru.
Wedi’i lansio yn 2022, nod y Rhaglen Prentisiaethau Creadigol yw sicrhau newid sylweddol yn ystod ac ansawdd y cyfleoedd i gael mynediad at yrfa yn y celfyddydau. Mae’n darparu cyfleoedd i’r rhai sy’n wynebu rhwystrau sylweddol o ganlyniad i hil, anabledd neu amgylchiadau economaidd-gymdeithasol, gan eu gosod mewn sefydliadau celfyddydol am 10 mis fel hyfforddeion cyflogedig mewn ystod o ddisgyblaethau creadigol.
Bydd rhagor o fanylion am Interniaethau a Phrentisiaethau 2024-25 yn cael eu rhyddhau yn fuan.
*Colegau a phrifysgolion partner: Coleg Brenhinol Cerdd a Drama Cymru, Coleg Caerdydd a’r Fro, Coleg Dewi Sant, Coleg Gwent, Coleg Menai, Coleg Penybont, Coleg Sir Gâr, Grŵp Colegau NPTC, Prifysgol Bangor, Prifysgol De Cymru, Prifysgol Cymru Y Drindod Dewi Sant.
Mae Diogelu at y Dyfodol yn bosibl diolch i gefnogaeth hanfodol:
