GALWAD AGORED - Cyfarwyddwr Cynorthwyol, Mother Goose 2024/25
Sefydliad
Theatr Clwyd Trust Ltd
Lleoliad
Mold
Disgrifiad
Mae Theatr Clwyd yn chwilio am gyfarwyddwr ar ddechrau ei yrfa sy'n llawn cyffro am hud y Panto. Mae ein pantomeim roc a rôl blynyddol yn uchafbwynt i ni a’n cynulleidfaoedd, ond bydd y panto eleni’n un hynod arbennig oherwydd dyma’r cyntaf y byddwn yn ei gyflwyno yn ein theatr newydd yn dilyn prosiect ailddatblygu cyfalaf helaeth.
Mae rôl y cyfarwyddwr cynorthwyol yn aelod allweddol o’r tîm creadigol, gan gefnogi’r Cyfarwyddwr (Daniel Lloyd) yn yr ystafell. Mae’r profiad ymarferol hwn yn llawn amser o ddiwrnod cyntaf yr ymarferion tan berfformiad y wasg, felly byddwch yn cael profi’r broses gyfan o greu theatr ar gynhyrchiad ar raddfa.
Sylwch fod hon yn swydd lawrydd, am dymor penodol, ac mae'n agored i bobl sydd wedi'u geni, eu magu, neu sy'n byw yng Nghymru.
Mae’r dyletswyddau yn cynnwys:
Gweithio yn yr ystafell ymarfer a chymryd nodiadau yn ystod y broses ymarfer
Cynorthwyo'r tîm rheoli llwyfan a'r cyfarwyddwr gyda'r amserlennu ar draws y broses
Cynorthwyo gyda golygu’r sgript
Creu a diweddaru traciau offerynnol yr actorion
Dyletswyddau eraill fel sy'n cael eu neilltuo
Mae pantomeim roc a rôl blynyddol Theatr Clwyd yn gonglfaen i’n tymor ni o waith. Mae ein cynhyrchiad Nadoligaidd blynyddol yn cael ei weld gan fwy na 33,000 o bobl bob blwyddyn. Mae Mother Goose wedi cael ei ysgrifennu gan Christian Patterson ac mae’n cynnwys cwmni o 10 o actor-gerddorion a hefyd caneuon poblogaidd yr 80au, y 90au a heddiw. Y tîm creadigol llawn a’r cast i'w cyhoeddi. Dyma’r pantomeim cyntaf yn ein hadeilad fydd wedi cael ei ailddatblygu.
Dolen i Ymgeisio
https://www.theatrclwyd.com/cy/jobs/galwad-agored---cyfarwyddwr-cynorthwyol-mother-goose-2024-25
Cyflog
Fee £3,800
Dyddiad cau
August 2, 2024