Gwobrau Celfyddydau & Busnes Cymru

Cliciwch Yma i wneud cais i berfformio yn y gwobrau

Mae’r chwiliad wedi cychwyn am bartneriaethau creadigol gorau Cymru!

Ers 30 mlynedd, mae Gwobrau Celfyddydau & Busnes (C&B) Cymru wedi annog a dathlu rhagoriaeth mewn partneriaethau rhwng y sector preifat a’r celfyddydau. Yn 2025, cynhelir y cinio a’r seremoni tei du yn Canolfan Gynadledda Ryngwladol Cymru ddydd Iau 19 Mehefin.

Noddir y digwyddiad blaenllaw am y tro cyntaf gan werthwyr tai annibynnol hynaf Caerdydd, Hern & Crabtree. Wrth siarad yn lansiad y Gwobrau ar 22 Ionawr, dywedodd Mike Baillie, Cyfarwyddwr Cwmni Hern & Crabtree: Ar ôl blynyddoedd o noddi categorïau a phrosiectau gyda balchder, yn ogystal â mynychu digwyddiadau C&B Cymru, rydym wrth ein bodd i gael ein henwi’n Brif Noddwr Gwobrau 2025. Mae’n amser cyffrous i fod yn rhan o’u dathliadau pen-blwydd yn 30 oed ac edrychwn ymlaen at gefnogi llwyddiant parhaus y bartneriaeth anhygoel hon.

Y categorïau Gwobrau eleni yw:

• Celfyddydau, Busnes a’r Gymuned, noddir gan Wales & West Utilities
• Celfyddydau, Busnes ac Amrywiaeth, noddir gan Sony
• Celfyddydau, Busnes a Gweithwyr
• Celfyddydau, Busnes a’r Amgylchedd, noddir gan Bluestone Wales a The Waterloo Foundation
• Celfyddydau, Busnes ac Iechyd noddir gan Cartrefi Conwy
• Busnes y Flwyddyn
• Gwobr Celfyddydau Hodge Foundation
• Ymgynghorydd y Flwyddyn, noddir gan Grant Stephens Family Law
• Gwobr Robert Maskrey am Ddyngarwch Celfyddydol

Y dyddiad cau ar gyfer enwebiadau yw dydd Gwener 7 Mawrth 2025.

Darllenwch y Canllawiau Gwobrau cyn llenwi ffurflenni enwebu.

Bydd yr enillwyr yn cael eu dewis gan baneli annibynnol o feirniaid sydd ag arbenigedd yn y celfyddydau a’r sector preifat. Yn beirniadu’r categorïau partneriaethau busnes mae Mohammed Alamgir Ahmed, Cyfarwyddwr Prosiectau, Muslim Council of Wales; Actor a Chynhyrchydd Rakie Ayola sydd wedi ennill BAFTA; Cyfarwyddwr Cwmni Hern & Crabtree, Mike Baillie; Seicolegydd Busnes a Chyfarwyddwr Bowen Hopkins, Lorraine Hopkins a Giles McNamara, Cyfarwyddwr Cyllid Bluestone Cymru.
Bydd Ymgynghorydd y Flwyddyn yn cael ei feirniadu gan y Cyfarwyddwr Data a Gweithrediadau yn Go.Compare, Hoodi Ansari; Cyn Gyfarwyddwr Artistig Gŵyl Gerdd Ryngwladol Gogledd Cymru, y Mezzo Soprano Ann Atkinson a Grant Stephens, Rheolwr Gyfarwyddwr Grant Stephens Family Law.

Bydd tlysau Gwobrau 2025 yn cael eu dylunio a’u gwneud gan y gof, yr artist gosodwaith a’r cerflunydd Angharad Pearce Jones o Orllewin Cymru. Bydd yn defnyddio’r ddalen olaf erioed o ddur Cymreig crai o ffwrnais chwyth Tata Steel ym Mhort Talbot i greu’r darnau unigryw. Byddant yn dathlu symlrwydd y plât dur, tra’n cynrychioli hadau newid, twf menter werdd a’r celfyddydau creadigol.

Yn ogystal â noddwyr y categorïau gwobrau, mae C&B Cymru yn gweithio gydag amrywiaeth o bartneriaid digwyddiadau i sicrhau llwyddiant y noson. Maent yn Noddwr Adloniant, Prifysgol De Cymru, Partner Cyfryngau Orchard, Partner Dylunio Ubiquity, yn ogystal â Barti Rum, Urdd Gwneuthurwyr Cymru, Park Plaza Cardiff, Penderyn a Tŷ Nant.

Wrth siarad yn y lansiad, dywedodd Prif Swyddog Gweithredol C&B Cymru, Rachel Jones: Yn yr hinsawdd ariannol heriol hon, mae C&B Cymru wedi’i syfrdanu gan y nifer o bartneriaethau creadigol o ansawdd uchel sy’n cael eu creu yn ystod y flwyddyn ddiwethaf. Credwn yn gryf ei bod yn bwysicach nag erioed i ddathlu a gwobrwyo gwaith anhygoel y celfyddydau a gweledigaeth y busnesau sy’n eu cefnogi. Y Gwobrau yw uchafbwynt blwyddyn C&B Cymru ac edrychwn ymlaen at wobrwyo’r goreuon mewn cydweithrediad traws-sector yn ein dathliad arbennig yn 30 oed.